Е, ова е храброст! Украински фудбалер отиде во руска лига и кажа: Ова е мојот сон! (фото)
Украинскиот фудбалер Руслан Червјаков изјави дека сака да се прослави во Русија и да стане легенда на својот клуб Торпедо од Москва.
Младиот напаѓач Руслан Червјаков, кој имаше само 18 години, дебитираше за Торпедо на 5 август на натпреварот од Првата лига на МЕЛБЕТ против Сокол (0:1). Истиот ден младиот Украинец потпиша тригодишен договор со клубот од Москва.
Претходно Червјаков кариерата ја започна во Днипро од Днепропетровск, а потоа настапуваше за Шахтјор од Доњецк, Ингулец, Валенсија и португалскиот Жил Висенте.
– Првпат играв пред голем број навивачи, може да се каже. Кога влегов внатре, колената ми се тресеа. Мора да се смирите и да играте. Благодарност до навивачите за поддршката. Пријатно сум изненаден од атмосферата на стадионот – изјави Руслан Червјаков за ТВ Мач и кажа кои се неговите цели во кариерата:
– Сакам да направам кариера во Торпедо. Да се вратиме во Премиер лигата на Русија и да бидеме најдобри во втората лига. Би сакал да станам клупска легенда.
Потегот на млад украински фудбалер кариерата да ја продолжи во Русија за време на војната меѓу двете земји не беше добредојден од официјален Киев. Но, се чини дека Руслан Червјаков не се грижи премногу за заканите и навредите што му доаѓаат од поединци од неговата родна земја. Неговиот Инстаграм профил на социјалните мрежи е полн со погрдни зборови кон него, бидејќи во Русија заминал како Украинец.
– Последната година живеев во Португалија, играв за Жил Висенте. Во Москва имам добар пријател, тренерот Виталиј Владимирович Виченц. Отсекогаш сакав да играм во Русија! Го остварив мојот детски сон, ме инспирираше СП 2018 да станам фудбалер – објасни младиот Украинец.
