Жозе Мурињо во големи проблеми по драмата – УЕФА отвори истрага, долгиот јазик може скапо да го чини…

Европската фудбалска организација УЕФА го обвини Жозе Мурињо (60 г.) за „навредлив јазик“ кон судијата Ентони Тејлор за време на финалето на Лига Европа.

Португалскиот стручњак ја изрази својата фрустрација кон официјалниот претставник, Ентони Тејлор за време и по поразот на Рома од Севиља во пенал-рулетот.

Жозе Мурињо го обвини Ентони Тејлор дека ја фаворизира Севиља, велејќи дека – „тој изгледа е Шпанец“.

Поранешниот менаџер на Манчестер Јунајтед и Челзи, исто така, беше снимен како се соочува со судијата на паркингот на стадионот, откако неговата екипа беше „претепана“ во финалето.

„Вечерва беше срам. Срамота е“, извика Жозе Мурињо по натпреварот.

Ентони Тејлор подоцна се соочи со лути ромски поддржувачи додека со своето семејство се движеше низ аеродромот во Будимпешта. Полицијата морала да го спроведе 44-годишникот низ толпата.

УЕФА потврди дека Жозе Мурињо бил обвинет за „навредлив/погрден јазик против службеник на натпреварот“ и соопшти дека нејзиното контролно, етички и дисциплинско тело ќе донесе одлука за ова прашање во догледно време.

Рома и нејзините навивачи беа обвинети и за фрлање предмети, палење огномет, нанесување штета, нарушување на публиката и недолично однесување за време на финалето во Будимпешта. Победникот Севиља и нејзините приврзаници беа обвинети за навлегување, фрлање предмети, палење огномет и недолично однесување.

Избраниците на Жозе Мурињо поведоа во 34. минута преку Пауло Дибала, по што Шпанците возвратија со автоголот на Џанлука Манчини во 55. минута, прв гол што тимот на Жозе Мурињо го прими во финалето на европските купови од 2003 година.

Резултатот на крајот беше решен во пенал рулетот. Гонзало Монтиел, кој го постигна победничкиот пенал за Аргентина во финалето на Светското првенство во Катар, повторно ги покажа своите вештини и го доби натпреварот за шпанската страна.