За време на свадба избувна пожар, најмалку 100 загинати
Најмалку 100 луѓе загинаа, а 150 се повредени во пожар што избувна на свадба во северен Ирак.
Стотици луѓе биле на свадба во Ал-Хамданија во провинцијата Ниневија на северот на Ирак кога доцна синоќа избувна пожар и го зафати местото каде се одржуваше прославата, јавува Би-би-си.
Причината за пожарот се уште не е утврдена, но првичните информации укажуваат дека пожарот настанал по палењето на огнометот.
Првичните извештаи на ирачките медиуми изјавија дека и невестата и младоженецот загинале во пожарот, но новинската агенција Нина подоцна објави дека тие преживеале, но се лекуваат од изгореници.
На фотографијата објавена од агенцијата се прикажани десетици пожарникари кои се борат со огнот, а сликите на локалните медиуми објавени на социјалните мрежи покажаа јагленисани остатоци во салата каде се одржуваше прославата.
„Пожарот предизвика уривање на делови од салата за славење, бидејќи салата беше изградена со многу запаливи, евтини градежни материјали кои се урнаа за неколку минути по пожарот“, соопшти ирачката управа за цивилна одбрана.
Државната новинска агенција ИНА наведува дека најмалку 100 загинале, а 150 се повредени.
Заменик-гувернерот на Ниневија, Хасан ал Алак, за Ројтерс изјави дека е потврдена смртта на 113 лица.
Сите повредени се префрлени во болниците низ провинцијата, изјави гувернерот за ИНА и предупреди дека бројот на загинати и повредени не е поправен и може да се зголеми.
At least 113 killed, over 150 injured as fire engulfs wedding party in Iraq’s Nineveh province.
— PressTV Extra (@PresstvExtra) September 27, 2023
Follow Press TV on Telegram: https://t.co/0EMmcJs6DL pic.twitter.com/eLa2t95qEs
