Директорката за јавни приходи, Сања Лукаревска денеска изјави дека за четири години преку „мојот ДДВ“ на граѓаните им се вратени 107 и пол милиони евра. Од воведувањето на апликацијата досега се регистрирани речиси 538.919 корисници и оваа бројка постојано се зголемува.
Покрај бројот на корисници, Лукаревска на прес-конференција рече дека се зголемува и бројот на скенирани фискални продажни сметки и дека само лани прометот од скенирани фактури бил 178,7 милијарди денари.
Исплатата од вториот квартал, во месеците април, мај и јуни, ќе се врши во месец август. Се очекува да бидат исплатени нешто повеќе од 11,2 милиони евра.
„Мојот ДДВ е една од најдобро спроведените мерки, која дава одличен ефект и токму поради оваа причина, денеска над половина милион граѓани ја користат оваа можност да ги вратат средствата“, изјави денеска и премиерот Димитар Ковачевски