Згради кои се уриваат, го нема веќе замокот стар 2200 години, пистата на аеродромот буквално преполовена, по 7 часови дете извлечено од урнатите, морничави снимки од Турција
Европската унија, НАТО и бројни поединечни земји најавија помош по катастрофалниот земјотрес.
Турската влада објави дека летовите до и од аеродромот Хатај во јужна Турција се прекинати поради големата штета предизвикана од земјотресот. Снимката на Твитер покажува дека пистата на аеродромот буквално е преполовена.
Да потсетиме дека Европската унија, НАТО и бројни поединечни земји најавија помош по катастрофалниот земјотрес во Турција и Сирија во кој животот го загубија повеќе од 600 луѓе, покажуваат новите податоци кои постојано растат, пренесоа во понеделник светските агенции.
Меѓу другото, во земјотресот беше уништен и историскиот замок Газиантеп, стар 2.200 години, кој е под заштита на УНЕСКО во Турција. На Твитер беа објавени фотографии пред и по земјотресот.
Во земјотресот беа уништени некои бастиони, а отпадот беше расфрлен по патот. Железни огради биле расфрлани по околните премини, а се урнал и потпорниот ѕид до замокот. На некои ѕидови се забележани големи пукнатини.
Куполата и источниот ѕид на историската Ширвани џамија веднаш до замокот се делумно урнати.
Исто така, камерата на нечија мобилен телефон го снимила застрашувачкиот момент кога се урна станбена зграда во земјотрес во јужна Турција.
Шесткатницата била срамнета со земја за само неколку секунди, додека блиската, уште повисока зграда останала да стои. Со оглед на тоа што е направено во текот на утрото кога се раздени, зградата најверојатно се урнала за време на последователниот потрес.
На Твитер е објавено и видео кое сликовито сведочи за тоа колкави се последиците од катастрофалниот земјотрес кој предизвика најголема штета на југот на Турција и северот на Сирија.
Детето (7), кое беше повредено во земјотресот, беше спасено од урната зграда во турскиот град Дијарбакир, откако седум часа беше под урнатините, а грозоморната снимка потресе многумина.
