Зеленски: Имаме информации дека Русија подготвува „експлозија“ на Балканот
Русија може да создаде нови кризи на Балканот и во Молдавија со цел да го оттргне вниманието на светот од војната во Украина, изјави украинскиот претседател Володимир Зеленски.
„Денес сите разговараат за кризата на Блискиот Исток. Но, како што кажав претходно, искрено, тоа не е вчерашниот проблем. Па дури ни завчерашниот проблем. Сите знаат за овој постојан конфликт и постојана војна, но никој не сака да го прекине. Затоа што е погодно – во одреден момент, само земете го овој механизам повторно. Ова е експлозија на Блискиот Исток, Русија стои зад ова, ние сме сигурни, со својот сојузник Иран“, им рече тој на африканските новинари.
Зеленски повика да се обрне внимание на Балканот бидејќи добиваат информации за руските планови.
„Обратете внимание на Балканот. Верувајте ми, добиваме информации: Русија има долг план. Блискиот исток, тоа ќе биде барем Балканот, ако земјите од светот не направат ништо сега. Ќе има повторно таква експлозија“, рече Зеленски.
Според него, Русија повторно е заинтересирана за пренасочување на помошта.
„Кога сакате да и помогнете на една земја или почнувате да ја споделувате таа помош и внимание на многу земји, многу предизвици, многу хуманитарни предизвици. Молдавија. Сега тие почнуваат да ја поткопуваат ситуацијата во Молдавија. За да покажат дека таму нешто не е во ред за време на изборите Да се прогласат изборите за неуставни. Повторно да се урне сегашната влада. Да се урне проевропската влада“, рече Зеленски.
