ИДЕАЛЕН ЗА ВИКЕНД – Полнетите компири ќе ве воодушеват со својата едноставност
За многу луѓе неделата е ден за одмор и за вршење на активностите што ги сакаат, па затоа не е лошо да имате неколку идеи за ручек во кој ќе уживате, но нема да губите многу време за да го подготвите или купување специјални состојки. Еден таков рецепт е за полнети компири.
Добрата страна на овој дарежлив оброк е што можете да ги наполните компирите со различни состојки, а доколку сепак ви недостасува инспирација, можете да ги испробате предлозите подолу.
За овој рецепт ви треба:
- компири
- путер
- зеленчук
- павлака
- пилешко
- сирење
- зачини (сол, бибер)
Подготовка:
Прво вклучете ја рерната на 220 степени. Додека рерната се загрева, измијте ги компирите и исушете ги со крпа или хартиена крпа. Ставете ги компирите во тавата и оставете ги да се печат околу половина час.
За тоа време подгответе го филот по желба. Ако немате идеја со што би можеле да го наполните ова јадење, згответе мешавина од зеленчук за француска салата и додадете павлака и зачини по желба. За месната верзија на ова јадење, можете да печете парчиња пилешко.
Кога ќе се сварат компирите, извадете ги од рерна и пресечете ги на половина. Потоа внимателно извадете го со лажица и додадете коцка путер. Оставете го путерот да се растопи, потоа додадете го филот од зеленчук и месо, а на крајот додадете го ренданото сирење.
