Израелската војска објави фотографии: Хамас постави ракетни фрлачи во близина на училишта, градинки, џамии и зградата на ОН (ФОТО)
Израелските одбранбени сили (ИДФ), како што официјално се нарекува војската на земјата, објавија нови фотографии од Појасот Газа на кои, како што велат, покажуваат ракетни фрлачи поставени од палестинската екстремистичка организација Хамас во близина на цивилни објекти.
Фотографиите од дронот, кои датираат од вчера, беа објавени на официјалниот профил на социјалните медиуми на ИД на X.
На една од нив е прикажана зградата на Обединетите нации во Појасот Газа.
– Зградата на ОН е веднаш спроти улицата од каде Хамас лансира ракети за да ги тероризира израелските цивили. Хамас директно им се заканува на жителите на Појасот Газа, Израелците и меѓународната заедница – стои во објавата во која корисниците на социјалната мрежа се поканети да видат и други фотографии.
На нив се прикажани ракетни фрлачи на Хамас во близина на градинка, џамија и две училишта.
