ИЗРАЕЛ ЦЕЛОСНО ГО ИЗОЛИРАШЕ ПОЈАСОТ ГАЗА ОД НАДВОРЕШНИОТ СВЕТ – Прекинати сите телефонски и Интернет врски !?

Палестинскиот Црвен крст (ПЦК) доцна синоќа соопшти дека израелските власти ги прекинале сите фиксни, мобилни и интернет комуникации во Појасот Газа.

„Длабоко сме загрижени бидејќи овој прекин го отежнува доаѓањето на возилата на Итната помош до ранетите“, се вели во објавата на палестинскиот Црвен крст на социјалната мрежа Х (Твитер).

Се додава дека тие се загрижени и за безбедноста на тимовите кои работат во Појасот Газа бидејќи континуираните и интензивни израелски воздушни напади 24 часа на ден укажуваат дека израелските власти ќе продолжат да вршат „воени злосторства“ додека ја изолираат Газа од надворешниот свет.

„Ја повикуваме меѓународната заедница да изврши притисок врз израелските власти да обезбедат итна заштита на невините цивили, медицинските установи и нашите тимови“, се наведува во соопштението.