Инаугурацијата на Доналд Трамп нема да биде на отворено: Преместена во затворен простор поради студот?!

Инаугурацијата на Доналд Трамп, која ќе се одржи во понеделник на 20 јануари, нема да се одржи на отворено!

Како што јави Би-Би-Си, инаугурацијата ќе се одржи во затворен простор, поради големиот студ што се очекува во Вашингтон следната недела.

Традиционалната заклетва и говори, вклучително и инаугуративното обраќање, ќе се одржат внатре во американскиот Капитол, наместо надвор од зградата.

Исто така, инаугуративната парада ќе се одржи и во затворено, во Капитол надвор од Вашингтон, заедно со сите три инаугуративни балови.

Последниот американски претседател кој положи заклетва во затворен простор беше Роналд Реган во 1985 година, кога лошите временски услови го погодија и Капитол.

Трамп на платформата Truth Social напиша дека поради големиот студ, парадата на инаугурацијата ќе се одржи во блиската спортска арена.

„Временската прогноза за Вашингтон, со прогнозата на ветерот, би можела да ги намали температурите на рекордно ниско ниво. Арктичкиот бран ја зафати целата земја. Не сакам да видам луѓе повредени на кој било начин“, рече Трамп.

Тој во својата порака посочи дека прогнозираните ниски температури и студениот ветер создаваат „опасни услови“, како за десетици илјади припадници на полицијата, итните служби, полициските кучиња и коњи, така и за „стотици илјади поддржувачи кои ќе бидете надвор многу часови“ на 20 јануари.

„Затоа, наредив инаугуративното обраќање, покрај молитвите и другите говори, да се одржи во Ротонда на Капитолот на Соединетите Американски Држави, како што тоа го направи Роналд Реган во 1985 година, исто така поради многу студеното време. Различни достоинственици и гости ќе бидaт донесени во Капитол. Ова ќе биде многу убаво искуство за сите, особено за големата ТВ публика“, рече Трамп.