Инспекторите открија неверојатна причина поради која петчленото семејство скокнало од балкон, властите побарале приватност за преживеаниот син (ФОТО)
Петчлено семејство минатиот март скокнало од балконот откако полицијата заѕвонила на вратата од нивниот стан. Швајцарските власти ја завршија истрагата и изјавија дека возрасните членови го планирале настанот. Властите велат дека мајката и нејзината сестра биле длабоко опседнати со теории на заговор, а пандемијата само ја влошила нивната состојба.
Швајцарија го затвори случајот што ја шокираше земјата минатата година – во март минатата година петчлено семејство скокна од балконот од седмиот кат во Монтре. Медиумите објавија дека се работи за семејство од Франција.
Починале маж, две жени и девојче, а младото момче било хоспитализирано, но успеал да преживее. Полицијата соопшти и дека пред падот полицајците отишле во станот со налог за таткото, кој не одговарал на повиците од училиштето за да го провери образованието на неговиот 15-годишен син, кој се школувал онлајн.
Полицијата ја исклучи можноста за надворешна интервенција, а велат дека возрасните членови на семејството, кои две години пред кобниот настан се преселиле од Франција во Швајцарија, не дале никакви знаци дека размислуваат за самоубиство, пишува Би-би-си.
Семејството почина на 24 март минатата година. Осумгодишно девојче, 15-годишно момче и нивните татко и мајка, како и сестрата близначка на нивната мајка скокнале од станот на седмиот кат од зградата. Момчето било во кома, но успеало да се опорави. Тој не се сеќава на тој ден, велат истражителите. Возрасните во семејството го планирале настанот, велат швајцарските инспектори.
Форензичките докази не откриле знаци на борба пред смртта, а обдукцијата не покажала траги од дрога.
По една година истрага, швајцарските власти сега велат дека мајката на семејството и нејзината сестра биле длабоко инволвирани во теории за преживување и заговор. По смртта полицијата им го нашла станот полн со храна, лекови и хигиенски материјали, внимателно складиран и организиран. Семејството ретко излегуваше, а децата се школуваа од дома.
Двете жени имале длабоко сомнеж во владата и локалните власти, велат иследниците, и ги воспитале своите деца да веруваат дека светот е непријателско место. Пандемијата COVID-19 и руската инвазија на Украина само го зајакнаа нивното верување. Претресите во станот и електронските уреди открија дека колективното самоубиство било внимателно планирано, па дури и вежбано.
Возрасните очигледно чекале, се вели во полицискиот извештај, вистинскиот момент да заминат во свет за кој верувале дека ќе биде подобар, далеку од оној од кој се плашеле. Нивната одлука е предизвикана од полициска посета. Тие дојдоа тоа утро за да го потсетат таткото да оди на состанок со локалната образовна управа за да разговара за домашно школување на неговиот син, откако тој не одговорил на неколку писма. Не ја пуштија полицијата и по неколку минути беа мртви.
Во вторникот швајцарските власти апелираа за приватност на преживеаниот син, јавува Би-Би-Си.
