Испиле шејк во познат локал, па се отруле! Тројца загинале поради инфекцијата, а инспекцијата открила што е во прашање

Шест лица се хоспитализирани во периодот од 27 февруари до 22 јули, а со клинички преглед е констатирано дека се заразени со истата бактерија

Три лица починале, а тројца завршиле во болница , откако испиле милкшејк со бактерија листерија во ресторан во Такома, Вашингтон.

Истрагата покажа дека работниците не ја исчистиле правилно машината за сладолед, изјавија официјални лица.

Шест лица се хоспитализирани во периодот од 27 февруари до 22 јули, а клиничкиот преглед покажал дека се заразени со истата бактерија.

Инаку, листеријата може да се зарази и 70 дена по консумирањето на предметниот производ.

Двајца од тројцата преживеани рекле дека пиеле милкшејк во ресторан Фругалс во Такома пред да се разболат.

Симптомите на оваа инфекција вклучуваат треска, болки во мускулите, понекогаш дијареа и други стомачни проблеми. Можни се и главоболки, конвулзии и чувство на дезориентираност.

Бидејќи се работи за ланец на ресторани, инспекциите ги провериле сите објекти и утврдиле дека има проблем само во еден објект.

– Доколку некој јадел во ресторанот „Фругалс“ во Такома меѓу 29 мај и 7 август и има симптоми на листерија, веднаш треба да оди на лекар – се вели во соопштението на службеникот.

Според Центрите за контрола и превенција на болести, бактеријата Listeria monocytogenes предизвикува околу 1.600 случаи на листерио за во САД годишно. Секоја година од оваа болест умираат околу 260 луѓе.

Обично ги погодува постарите лица, бремените жени, доенчињата и возрасните со ослабен имунолошки систем.