КАДИРОВ ГО ЗАМОЛЧЕ БЕСНИОТ ШЕФ НА ВАГНЕР: Немој повеќе да ги снимаш тела на загинати другари! ЧЕЧЕНЕЦОТ Е ПОДГОТВЕН ДА ГО ИСПРАТИ АХМАТ ВО БАХМУТ (ВИДЕО)
Рамзан Кадиров, претседателот на Чеченија, денеска жестоко реагираше на последната порака на основачот на руската воена компанија „Вагнер“ Евгениј Пригожин.
Водачот на „вагнеровците“ претходно објави шокантна снимка од телата на неговите платеници убиени во битките околу Бахмут и жестоко се заканува дека ќе ги повлече војниците до 10 мај, бидејќи руската армија не им доставува артилериска муниција. За тоа директно ги обвини рускиот министер за одбрана Сергеј Шојгу и началникот на Генералштабот Валериј Герасимов.
Кадиров на почетокот на пораката наведува дека првенствено им се обраќа на Шојгу и Герасимов, но и на основачот на компанијата „Вагнер“ Пригожин.
Непријатно ми е да ги слушнам последните изјави на Евгениј Викторович, а двојно ми е непријатно што раководството на Министерството за одбрана на Русија не коментира или не се среќава со раководството на „Вагнер“ за да донесе некаква одлука или појаснување. На крајот на краиштата, Евгениј Пригожин заслужува почит за непроценливиот придонес на „вагнеровците“ во ослободувањето на градовите во Донбас. Доколку дојде до недостиг, тогаш треба да се објасни што се случува за да може командантите да ги коригираат понатамошните тактики на единиците без да се потпираат на артилерија.
Се сеќавам на искуството на чеченските единици во Маријупол. Ни требаа пет тенкови за поддршка на пешадијата, но успеавме да обезбедиме само еден од Министерството за одбрана, а борбениот екипаж го напушти возилото во првата битка. Потоа мораше да се смират и да се вратат во борбеното возило за да се покрие барем една позиција на азовските сатанисти. Имаше проблеми и со друга опрема. Од почетокот на специјалната воена операција не успеавме да замениме 30 артилериски парчиња. Јас лично се јавив во Москва и разговарав со командантите. Еден месец подоцна проблемот беше решен. Да, не успеа на првиот повик. Но, нашите единици не снимаа видеа и не му дадоа пријатна информативна можност на непријателот – вели Рамзан Кадиров .
Чеченскиот лидер жестоко го критикуваше Пригожин за снимањето на телата на загинатите платеници.
Патем, снимањето на телата на загинатите соборци заради бес на јавноста е погрешно, никогаш да не го правиме тоа – рече Кадиров. Тој нагласи дека ќе испрати единици во Бахмут доколку „вагнеровците“ навистина се повлечат.
Да, ако заминат постариот брат Пригожин и „Вагнер“, тогаш Генералштабот ќе изгуби искусна борбена единица, а на негово место во Артјомовск ќе дојдат неговиот помлад брат Кадиров и „Ахмат“. Ако сценариото е сепак вакво, тогаш нашите борци се подготвени да напредуваат и да го заземат градот. Тоа е прашање на часови. Но, би сакал да ги заземеме преостанатите два километри од градот, не по цена на животот на војниците, туку како резултат на меѓусебно разбирање, поддршка, решителност на командата и борците да ја исполнат наредбата на врховниот командант – нагласи Кадиров.
