Ким Кардашијан ја споредуваат со Моника Белучи поради насловната страница на Vogue, облините во преден план
Американската реалити ѕвезда Ким Кардашијан е заштитно лице на италијанското издание на магазинот Вог за месец јули, а поради фотографиите многумина ја споредуваат со италијанската актерка Моника Белучи.
Кардашијан беше фотографирана од модниот фотограф Рафаел Павароти, а за нејзината облека задолжен беше Ибрахим Камара. Ова издание на реалити ѕвездата – земајќи ги предвид црно-белите фотографии, фризурата, шминката и целокупниот впечаток – ме потсети на италијанската актерка Моника Белучи.
Позирајќи во „стар холивудски“ стил во тесен црн фустан и проѕирни ракавици за насловната страница, Ким ги истакна своите облини. Меѓутоа, за споредба со италијанската актерка се „виновни“ и други фотографии.
Комплетната естетика на ова снимање – од парчињата Dolce&Gabbana, шминка, фризура – ме потсети на стилот на Моника.
Во интервју за Vogue, Ким зборуваше за нејзиниот стил на облекување, за односот со децата и за нејзиниот поранешен сопруг – раперот Канје.
„Од татко ми научив како да бидам одмерен и како да бидам навистина смирен и прибран и мислам дека дефинитивно сум таков. Дури и кога тој беше лут на нас, тоа беше процес, разговор. Тој рече: Еј, дојди овде, мора да разговараме за ова“, рече Кардашијан за нејзиниот татко, покојниот Роберт Кардашијан.
Ако тоа е нешто што го вклучува таткото на моите деца и јас сум вознемирена, се трудам да не покажам толку многу емоции“, рече таа, „мора да бидам подготвена да објаснам зошто сум вознемирена и можеби тоа не е соодветно за нив. Нема ништо полошо од „Ќе разбереш кога ќе пораснеш.“ Не сакам да бидам таа личност“.
