Колку земји во светот ја признаа Палестина како држава?
Неодамнешниот конфликт меѓу Хамас и Израел ги доведе Појасот Газа и делумно признатата држава Палестина во фокусот на глобалниот циклус на вести.
Коалицијата на Палестинската ослободителна организација (ПЛО) официјално ја прогласи Државата Палестина на 15 ноември 1988 година. Државата тврдеше дека има суверенитет над Појасот Газа, Западниот Брег и Источен Ерусалим.
Официјално, Обединетите нации ја признаваат ПЛО како управен ентитет на Западниот Брег (вклучувајќи го и Источен Ерусалим) и Појасот Газа.
Откако Израел и ПЛО го потпишаа Договорот од Осло во средината на 1990-тите, ПЛО ја презеде контролата врз Појасот Газа и 40 отсто од Западниот Брег преку новоформираната администрација на Палестинската управа.
Меѓутоа, по воениот конфликт во 2007 година помеѓу ривалските палестински фракции Фатах (мнозинската партија на ПЛО) и Хамас (милитантна политичка партија отцепена од ПЛО), со Појасот Газа управува Хамас.
Visual Capitalist состави список на земји кои моментално ја признаваат Палестина како држава и оние кои не ја признаваат.
Во анализата што ја презентираше Visual Capitalist, беше забележано дека 138 од 193 членки на Обединетите нации (ОН), што е 72 отсто, ја признаваат државата Палестина. Се разбира, 55 земји не ја признаваат Палестина.
Многу западни земји во светот, вклучително и целата Г7, не ја признаваат Палестина. Наместо тоа, многу од нив одржуваат неформални дипломатски односи.
Инаку, Косово и Палестина се уште не се признале меѓусебно како независни држави.
