Конечно откриена астрономската плата на идниот крал на Велика Британија – еве колку заработува годишно принцот Вилијам: “Од оваа сума боли глава…“

Неодамна објавениот годишен финансиски извештај на британското кралско семејство открива дека Вилијам, принцот од Велс, зема годишна плата од речиси шест милиони фунти.

Неговиот приход бил регулиран уште во 1337 година со Големата повелба на кралот Едвард III, со која кралот ги оставил приходите од Војводството Корнвол на својот најстар син и наследник. Накратко, пред 700 години, со титулата Принц од Велс, беше договорена значителна финансиска привилегија, а истото е и денес.

За да не испадне дека најважната титула на идниот крал се однесува на еден дел од Обединетото Кралство, Велс, и дека тој зема плата од друго војводство без разлика, договорено е титулата војвода од Корнвол да оди рака во рака со титулата наследник на тронот. Платата се собира од годишниот нето приход од имоти, инвестиции и од изнајмување недвижен имот во сопственост на Круната од целото војводство. Истото правило важело и за кралот Чарлс кога бил принц.

Годишниот извештај објавен на крајот на јуни покажа дека трошоците на кралот и на неговото домаќинство пораснале за 5 отсто, поради инфлацијата и цената што британската економија на овој или оној начин ја плаќа поради Брегзит.

Голем дел од трошоците на кралското семејство се покриваат од џебовите на даночните обврзници, а оваа давачка се нарекува државна поддршка, пренесува UsMagazine. Минатата година им биле исплатени 86,3 милиони фунти, што значи дека кралското семејство го чинело секој даночен обврзник по 1,29 фунти годишно.

Но, само принцот од Велс има право на профитабилен приход од Војводството Корнвол. Принцот Вилијам на тој начин ги финансира животните трошоци на неговото семејство, неговата сопруга Кејт, принцезата од Велс и нивните три деца: деветгодишниот Џорџ, осумгодишната Шарлот и петгодишниот Луис.