КОНЕЧНО ОТКРИЕНО! Еве зошто гласачките кутии во Црна Гора се сини а не проѕирни

Гласачките кутии на избирачките места во Црна Гора, за разлика од оние во останатите балкански земји не се проѕирни.

Причината за тоа е дебелината на хартијата со која се изработуваат гласачките ливчиња, објаснува Ана Ненезиќ, извршен директор на Центарот за мониторинг и истражување во Подгорица.

Според неа, набљудувачките мисии пред неколку години побарале гласачките кутии повеќе да не бидат проѕирни, бидејќи тежината на хартијата што се користела за печатење на ливчињата многу лесно можела да се види за кого гласал гласачот.

„Тежината на хартијата за гласачките ливчиња варира од земја до земја, а во Црна Гора е многу тенка, па затоа и видлива. Со оглед на тоа што беше невозможно да се отстапи од тоа, пред сè од финансиски причини, поставивме барање гласачките кутии да бидат заштитени и повеќе да не се транспарентни. Барањето беше одобрено, така што беше обезбедена тајноста на гласањето“, рече Ненезиќ.

На прашањето зошто гласачките кутии се точно сини, соговорникот не можеше да даде прецизен одговор.

„Се сомневам дека стратешки пристапиле на прашањето, се сомневам дека нашле хартија што не е транспарентна и ја искористиле за покривање на проѕирните кутии што се користеле претходно. Знаејќи како функционираат работите овде, верувам дека им беше најлесно и најевтино“, заклучи Ненезиќ.