„Лаци го игра најдобриот тенис на бетон“: Новак не може да предвиди што го чека во третото коло на УС Опен
На Ѓоковиќ нема да му биде лесно, особено што игра против добар пријател
Новак Ѓоковиќ прилично лесно стигна до третото коло на УС Опен , а таму го чека Ласло Џере . Тоа ќе биде само втора официјална пресметка на српските играчи, а нема сомнеж дека не очекува интересен дуел.
И Новак го очекува интересен меч кој е повторно закажан во одлично време за навивачите, во петок од 17 часот.
– Мислам дека сега на бетон го игра најдобриот тенис, во одлична форма е . За Србија е одлично што има тенисери во третото коло. Тој е еден од највредните, работиме заедно во салата, таму сме во соблекувалната.Тој е навистина голем работник, се грижи за своето тело, а резултатите дефинитивно доаѓаат кај играчи како него, тие се работници и воини. Глината е секако неговата омилена површина, но тој напредува и на бетон. Физички е многу подготвен, ќе мора да се подготвам – изјави Новак, а потоа додаде:
– Имаше многу тешкотии со семејството и со се. Одличен човек, кој се грижи за својата работа. Тој е многу посветен на играта. Го сакам како личност и играч. Добро се познаваме бидејќи доаѓаме од иста земја, играме во Дејвис купот. Имаме големи надежи дека можеме да направиме нешто со репрезентацијата. Му посакувам се најдобро, освен наредниот натпревар, очигледно! – рече Ѓоковиќ низ насмевка.
И покрај тоа, најдобриот светски тенисер пред дуелот од третото коло истакна дека е тешко да се предвиди нешто во таа пресметка.
– Не може да се предвиди и гарантира каков ќе биде исходот. Поинакво е чувството кога играм против некој од Србија. Лаци е мирен и тивок, исклучително посветен на овој спорт, вреден, многу работлив. Добро е што сме во форма пред Дејвис купот, ќе играме заедно и му стоиме на располагање на тренерот. Среќен сум што е во форма како репрезентативец, но како поединец посебно е чувството кога играш против своите сонародници. Според мене тоа не менува ништо, добро се познаваме, ќе анализирам и ќе видам како понатаму – заврши Ѓоковиќ.
