ЛЕКАРИ ОД СРБИЈА ОДАТ ВО ХАГ: Дозволено е да го прегледаат Младиќ

Екипа лекари од Универзитетскиот клинички центар на Република Српска на 21 февруари во Хаг добиле дозвола да го прегледаат Ратко Младиќ, кој во тој град издржува доживотна казна затвор, се наведува во соопштението на оваа здравствена установа.

Генералниот директор на УКЦ на РС, Владо Ѓајиќ, изјави дека лекарскиот тим е подготвен и дека само чекаат дозвола од Меѓународниот резидуален механизам за кривични судови, кој го наследи Хашкиот трибунал, пренесува Срна.

Подготвени сме и на сопствен трошок патуваме за Хаг. Лекарскиот тим на нашата установа ќе го прегледа генералот Младиќ и неговата документација и ќе утврди дали тој досега бил соодветно третиран – рече Ѓајиќ.

Тој посочи дека целта на посетата е да се даде придонес за негово подобро лекување во продолжувањето на лекувањето, како и да се утврди кои лекови треба да ги користи и каде понатаму да се лекува.

Во тимот на лекари од УКЦ кои треба да го посетат Ратко Младиќ се невролог, кардиолог и пулмолог.

Да потсетиме, генералот Ратко Младиќ беше опериран на 8 јануари во холандска болница кога му беше вграден пејсмејкер. Веќе следниот ден тој беше вратен во притворската соба во Шевенинген.

Во видеото под текстот можете да го погледнете неодамнешното интервју кое синот на генералот, Дарко Младиќ го даде за Новости.