Масовна тепачка меѓу земјоделците и полицијата во Шпанија
Стотици земјоделци кои протестираа се судрија со полицијата во шпанскиот град Сарагоса додека се обидуваа да влезат во палатата Ла Алјаферија, каде што се одржуваше владин состанок.
Локалниот полициски синдикат го осуди „насилството“, велејќи дека тројца полицајци се повредени. Откако полицијата одговори со удирање на демонстрантите со палки, еден од демонстрантите беше итно пренесен во болница.
Протестот беше организиран преку социјалните мрежи и не беше поврзан со синдикатите кои повикаа на тековни национални штрајкови.
Протестите во Шпанија не престануваат во изминатиот месец. Оваа недела, земјоделците го блокираа и главниот пат АП-7 што ги поврзува Франција и Шпанија во Каталонија.
Protesting Spanish farmers get into a major fight with the riot police as they try to storm the regional parliament in the Province of Zaragoza
— Visegrád 24 (@visegrad24) March 2, 2024
For 4 hours, the politicians were surrounded & couldn’t leave.
The farmers are protesting the Green Deal
🇪🇸 pic.twitter.com/nmuDnSmDmt
Земјоделците добија отстапки, но се уште недоволно да престанат да протестираат, јавува аа.
Во Каталонија, каде што некои патишта беа блокирани со денови, владата се согласи да го реорганизира Министерството за климатски активности и да го проучува менувањето на неговото име во Министерство за климатска акција, земјоделство, сточарство и рибарство.
Исто така, се согласи да се разгледа реорганизацијата на агенцијата за вода додека на производителите ќе им се помогне повеќе таму каде што наводнувањето е прекинато поради суша.
Во спротивно, шпанската влада и синдикатите ќе ги прекинат преговорите на околу една недела за да размислат за нивните барања и компромиси
