Милорад Додик патува кај Владимир Путин – открива за што ќе разговара со неговиот ‘шеф’: “Светот повеќе не е ист!“
Претседателот на Република Српска, Милорад Додик, претходната вечер потврди дека на 23. мај заминува за Москва, каде повторно ќе се сретне со претседателот на Русија, Владимир Путин.
„Ќе се обидам да дознаам, тоа е во мој интерес, за да им покажам на нашите луѓе како гледаат на идниот свет, за да можат некои да се прилагодат на мене. Тој свет не е ист како што беше пред 10 години и е сосема поинаков од она што беше порано“, изјавил Милорад Додик.
Тој нагласил дека со Владимир Путин ќе разговара за економски проекти, но и за важни геополитички прашања.
Во исто време, Дмитриј Песков, портпаролот на претседателот на Руската Федерација и претседателот Владимир Путин, беше гостин на ATV, телевизиската куќа во Бања Лука која е под американски санкции поради врските со Милорад Додик.
Гласноговорникот на Кремљ кажа дека Русија се надева оти Република Српска ќе има сила да го следи својот пат и да не дозволи БиХ да се приклучи кон санкциите против Русија.
На прашањето кога тој ќе ја посети Бања Лука, Димитриј Песков одговорил:
„Господ ќе обезбеди. И тоа ќе се случи. Убеден сум дека контактите меѓу Бања Лука и Москва ќе продолжат, дека активно ќе продолжат. Чекаме продолжување на овие контакти до крајот на мај, јас сега нема да навлегувам во детали. Ги чекаме тие контакти, се спремаме. И ги цениме високо. И ако даде Господ, ќе дојдеме во Бања Лука. Иако сум под санкции на сите западни земји, но сè уште не под санкциите на Босна и Херцеговина“, изјавил Димитриј Песков.
