Мозокот на масовниот убиец од Мејн испратен на студија: Истражителите сакаат да ја решат најголемата дилема за масакрот во кугланата
Мозочното ткиво на масовен убиец од Соединетите Американски Држави е испратено на анализа за да се утврди можната врска помеѓу неговата болест и службата во војската!
Да потсетиме, Роберт Кард уби 18 и повреди 13 лица на 25 октомври во куглана во градот Левистон во американската држава Мејн. Потрагата по него траела три дена пред да биде пронајден мртов. Според Си-Ен-Ен, утврдено е дека тој се самоубил.
Кард бил резервист на американската армија и постои загриженост дека неговото здравје било загрозено поради постојана изложеност на експлозии, гранати и противтенковско оружје. Државниот лекарски преглед сака да утврди дали повредата на мозокот можеби придонела за неговото необично однесување што доведе до масовно убиство.
Пријателите и семејството на убиецот велат дека тој покажал знаци на параноично однесување ова лето додека тренирал регрути во Вест Поинт во Њујорк и две недели потоа бил во психијатриска болница. Тие изјавија дека се жалел дека слуша различни гласови и верувале дека ќе биде обвинет дека е педофил. Неговите колеги биле загрижени, а откако ја напуштил болницата имал ограничен пристап до оружје.
Пентагон наведе дека војската била вклучена во студии за влијанието на последиците од експлозиите врз мозокот, поради што изложеноста на војниците на експлозиите била намалена додека не стигнат резултатите од студијата.
– ,,Армијата е посветена на разбирање, ублажување, точна дијагноза и брз третман на последиците од експлозиите во сите нејзини форми. Иако продолжената изложеност на експлозијата може да биде потенцијално опасна, дури и ако се сретне на полигон за обука наместо на бојно поле, ние сè уште имаме многу да научиме“, рече портпаролот потполковник Роб Лодвик.
