Монако го победи ПСЖ кој се чуваше за Баерн Минхен
ПСЖ има предност на табелата во француското првенство, па денеска со мислите беше кон Лигата на шампионите, тоа го искористи Монако кој дојде до триумф од 3-1.
Не само Мбапе и Меси за кои се знаеше дека нема да играат, Галтие на клупата ги стави и Хакими, Кимпембе, Серхио Рамос… Нејмар го одигра целиот меч.
Многуте отсуства во тимот на ПСЖ ги искористи Монако кој го доби мечот со 3-1.
Головин го отвори мечот, а два гола за Монако даде Бен Једер, единствениот погодок за ПСЖ беше дело на Заир-Емери. Сите погодоци беа постигнати во првото полувреме.
