МОРАЛЕ ДА ГО ЕВАКУИРААТ СТУДИОТО:Водителот Џими Кимел за малку ќе заплачеше додека зборуваше за пожарите во Лос Анџелес (Видео)

Американскиот водител Џими Кимел се врати на вечерната програма во понеделникот, среде катастрофалните пожари што ја зафатија областа Лос Анџелес.

За време на воведот, водителот едвај ги задржа солзите додека се присети на пожарите кои сè уште беснеат во областа на Лос Анџелес.

Кимел рече дека морале да го евакуираат студиото „Џими Кимел Лајв“ во забавниот центар Ел Капитан минатата недела, откако противпожарната служба на округот Лос Анџелес ги суспендираше сите дозволи за снимање во погодените области поради пожарот.

„Како што знаете, ова беше многу страшна, многу стресна и многу чудна недела во Лос Анџелес“, рече Кимел со треперење на гласот.

„Работиме овде. Живееме овде. Нашите деца одат на училиште овде. Се вративме во студиото што требаше да го напуштиме во среда“, рече тој.

Водителот потоа прикажа снимки од локалните вести на кои се гледа како пожарот зафаќа рид во близина на театарот Ел Капитан: „Тоа е нашата зграда таму, Ел Капитан“, рече Кимел, покажувајќи колку блиску бил пожарот.

„Секој што живее во овој град познава некого, повеќето од нас познаваат неколку луѓе, семејства, пријатели, колеги, соседи, чија куќа изгоре. А вистината е дека не ни знаеме дали ова е крајот“, додаде тој. , изразувајќи загриженост за неизвесноста која се уште владее.

Во чест на жителите на Лос Анџелес, Кимел ја пофали силата на заедницата и меѓусебната поддршка во време на криза.

„Мислам дека зборувам за сите нас кога велам: Ова беше потресно, шокантно, ужасно искуство. Но, во исто време, на многу начини, беше и прекрасно бидејќи видовме луѓе како повторно си помагаат“, заклучил Кимел.

Неговите зборови допреа многумина, бидејќи во таа емотивна порака беа прикажани силата на заедницата и човечката солидарност во моментите на катастрофа.