НА БАЈДЕН МУ Е ОПЕРИРАН РАК НА КОЖАТА: На претседателот на САД минатиот месец му е отстранета лезија, анализата покажала рак на базалните клетки
Лезијата на кожата отстранета од градите на претседателот Џо Бајден минатиот месец беше карцином на базалните клетки – вообичаена форма на рак на кожата – рече неговиот лекар во петокот, додавајќи дека не е потребен дополнителен третман .
Д-р Кевин О’Конор, лекарот од Белата куќа, кој беше долгогодишен лекар на Бајден, рече дека „целото канцерогено ткиво било успешно отстрането“ за време на рутинскиот преглед на претседателот на 16 февруари и дека е „здрав, енергичен“ и „способен“ да се справи со своите обврски.
О’Конор рече дека местото на отстранување на градите на Бајден „добро заздравува“ и дека претседателот ќе продолжи со редовните прегледи на кожата како дел од неговиот рутински здравствен план.
Базалните клетки се меѓу најчестите форми на рак кои лесно се лекуваат – особено кога се фатени рано. О’Конор рече дека тие немаат тенденција да се шират како другите видови на рак, но можат да пораснат во големина, поради што се отстранети.
На Бајден му беа отстранети „неколку локализирани немеланомни карциноми на кожата“ од неговото тело пред да го започне мандатот, рече О’Конор во својот резиме за здравјето на претседателот на 16 февруари, истакнувајќи дека е добро утврдено дека Бајден поминувал многу време во сонцето во младоста.
