На територија на СВР Битола 157 возачи казнети за брзо возење

 При засилена акциска контрола за санкционирање на возачи кои управуваат возила со брзина поголема од пропишаната спроведена денеска на територијата на СВР Битола во периодот од 11 до 18 часот, изречени се 157 санкции.

Од вкупниот број изречени казни, 32 биле на територијата на Општина Битола, 51 во Прилеп, 44 во Ресен, 14 во Демир Хисар, 9 во Крушево и 7 во Општина Македонски Брод.

Вкупно 79 возачи ја пречекориле брзината на движење во населено место, а 78 надвор од населено место.

– На сите прекршители изготвени им се соодветни поднесоци. Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, посочуваат од МВР.