Нетанјаху ги отфрла зголемените повици за прекин на огнот
Израелскиот премиер Бенјамин Нетанјаху изјави дека војската ќе ја продолжи својата борба против Хамас во Газа „со полна сила“ и покрај сè поголемите меѓународни повици за прекин на огнот.
Во телевизиско обраќање, Нетанјаху рече дека прекин на огнот ќе биде возможен само ако Хамас ги ослободи сите речиси 240 заложници земени во нападот на 7 октомври врз јужен Израел.
Нетанјаху рече дека Газа ќе биде демилитаризирана по војната и дека Израел „ќе продолжи да ја контролира безбедноста таму“.
На прашањето што мисли под безбедносна контрола, Нетанјаху рече дека израелските сили мора да можат да влезат во Газа кога е потребно за да ги ловат непријателските борци.
Таквата позиција се чини дека е во спротивност со повоените сценарија изнесени од најблискиот сојузник на Израел, САД, кои велат дека се противат на повторното окупирање на териториите од страна на Израел.
