Низа здравствени придобивки: Дали јаболката навистина помага во процесот на слабеење

Постојат голем број на диети и совети кои можат да ви помогнат да изгубите тежина. Меѓутоа, со овие силни препораки, луѓето често забораваат дека некои едноставни и лесно достапни намирници како јаболката можат да помогнат во процесот на слабеење.

Јаболката се одлична опција за здрава исхрана. Освен што е евтино, ова овошје е хранливо и практично. Како и сите други намирници, јаболката сами по себе не придонесуваат за слабеење, но доколку ги консумирате наместо слатки или некоја друга висококалорична храна, тие навистина можат да ви помогнат да изгубите тежина.

Станува збор за нискокалорично овошје, кое во зависност од големината може да содржи меѓу 80 и 130 калории. Нутриционистката Мелиса Митри вели дека природните шеќери во јаболката можат да помогнат да се намали желбата за слатки.

Покрај тоа, тие имаат висока содржина на влакна кои ќе ви помогнат да се чувствувате сити подолго време. Според USDA, едно јаболко содржи четири до пет грама влакна, обезбедувајќи приближно 12 до 16 проценти од препорачаниот дневен внес на влакна.

„Јаболката се неверојатно заситувачки и би можеле да помогнат во намалувањето на гладот, што го олеснува одржувањето на калорискиот дефицит за губење на тежината“, вели нутриционистот Митри.

Важно е да се истакне дека јаболката имаат и понизок гликемиски индекс, па нема нагло да го зголемат нивото на шеќер во крвта. Покрај тоа, тие исто така содржат висок процент на вода, што исто така ве одржува сити.

Исто така, една од причините зошто може да доживеете зголемување на телесната тежина може да биде зголеменото воспаление во телото, кое предизвикува други физиолошки ефекти како отпорност на инсулин и промени во метаболизмот. Затоа, јадењето антиинфламаторна храна како јаболка може да ви помогне да го намалите хроничното воспаление, потенцијално да го намалите дополнителното зголемување на телесната тежина.