Нов банкрот предизвика шок кај граѓаните во Германија – клуч на вратата за еден од најпознатите синџири за сувомесни производи

Познатиот германски синџир за сувомеснати производи Schlemmermeyer официјално поднесе барање за стечај.

Компанијата има намера да затвори поголем дел од своите продавници, но постои надеж дека филијалите во Минхен и Аугсбург ќе продолжат да работат.

Schlemmermeyer со децении се смета за една од најдобрите маркети за купување деликатеси, но познатиот синџир на традиционални производи поднесе барање за стечај на крајот на месец мај. Медиумите јавуваат дека компанијата се одлучила на овој чекор поради инфлација и недостаток на работна сила, но и поради незаинтересираност на клиентите за купување.

Исто така, се вели дека компанијата се очекува да затвори 11 од своите 14 филијали низ Германија на крајот на јули. Привремениот стечаен управител наведува дека тоа ќе се случи со очекуваното отворање на стечајната постапка.

Шламермаер
Schlemmermeyer 

Германските медиуми јавуваат дека се уште траат преговорите со потенцијалните купувачи за две филијали во Минхен и една филијала во Аугсбург. Компанијата засега ќе продолжи да работи во тие два града.

Платата за околу 130 вработени е обезбедена и преку стечајни пари до крајот на јули 2023 година.

Некои работници по своја волја веќе се откажаа од работа“, велат од компанијата за германските медиуми.

Schlemmermeyer веќе помина низ стечајна постапка под самоуправа во 2020 година. Од март 2022 година, пак, ситуацијата станува се покритична, се вели во соопштението на привремениот стечаен управител.

Инфлацијата се почувствува и во продажбата и во незаинтересираноста на купувачите за купување, што предизвикало значителен пад на конечната заработка. Во тековната година состојбата дополнително се влошила, што довело до започнување на стечај.

Schlemmermeyer е основан во 1975 година и главно продава локални специјалитети: колбаси, шунка, сирења, месо за печење…