Нова тепачка во супермаркети во Србија, муштериите се тепаат со чадори поради “свинска плешка” од 200 денари: Луѓето “скокаат” во фрижидерите (ВИДЕО)

Борба за поевтини кокошки, стоење во редици 4 часа за чоколадо од 50 динари, грабање за поевтини банани, борба за евтин шеќер, се само дел од сцените кои можеа да се видат во последните неколку години во супермаркетите во Србија.

Камерата утринава сними нова ситуација, сега во Лесковац, кога муштериите се грабаа за свинска плешка која е во продажба за 400 динари ( коколу 200 денари ), па дури почнаа дури едни на други да си скокаат на главите.

На социјалните мрежи коментарите се различни, од една страна има и такви кои го осудуваат ваквото однесување и го карактеризираат како себично. Исто така, има и такви кои го оправдуваат однесувањето затоа што е „добра понуда“. Акцијата во овој маркет завршува денеска, па се претпоставува дека затоа имало толкава гужва.

На видеото, покрај генералното грабање за евтино месо, може да се видат и сцени како луѓето се тепаат меѓу себе со чадори.

Да потсетиме, минатата недела во маркет во Борча настана пензионерска тепачка поради ќебапи.