Обожавател ја продава штиклата што Тејлор Свифт ја скрши на концерт, причината е трогателна
Тејлор Свифт на еден од нејзините последни концерти во Рио де Жанеиро ја скрши петицата на чизмите на брендот Кристијан Лубутен. Скршената петица ја фрлила во публиката, а еден обожавател кој бил блиску до бината ја фатил.
Собира пари за лекување на братучед му
Фелипе Конрадо, кој имаше ВИП-влезници за сите три распродадени претстави на Тејлор во Рио де Жанеиро, објави фотографија од петицата, која сега е во продажба. Имено, Фелипе сака да собере пари за лекување на неговата братучетка Анџела Конрадо, па парите од продажбата на штиклата би ги дал токму за тоа.
„Како што многумина го следеа, собираме пари за да го платиме лекувањето на ракот на мојата братучетка“, напишал тој фотографијата и додал: „Ти благодарам, Тејлор, за овој подарок“.
Тој забележува дека е огромен обожавател на Тејлор Свифт, но ако некој колекционер е заинтересиран за петицата, тој ќе ја продаде.
На 36-годишната Анџела и бил дијагностициран меланом откако лекарите и извадиле бенка од десната рака и и направиле биопсија, се вели во нејзината страница за собирање средства. За да спречи метастази, на Анџела ќе и требаат 12 сесии на имунотерапија со лек кој чини речиси 730 долари месечно, бидејќи не е покриен од бразилскиот здравствен систем.
Анџела бара помош за покривање на трошоците за тримесечно лекување додека го чека одговорот на бразилската влада за тужбата што ја поднесе против нив. Таа рече дека обично се потребни три месеци за потребните страни да одговорат на тужба.
