ОВА Е СРПСКИОТ ПИНК ПАНТЕР КОЈ ОГРАБИ ЗЛАТАРА ВО АТИНА: Дошол претходниот ден, а вака го измамил работникот да ЈА ОТВОРИ ВРАТАТА (ФОТО)

Србинот (63), кој е осомничен дека со уште тројца сонародници и еден Грк ограбил златара во Атина и украл 24 часовници Ролекс вредни 135.000 евра, ја играл улогата на „тројанскиот коњ“ на бандата „Пинк Пантер“ во филмското дејство на разбојниците.

Тој се појавил како клиент и имал специфична улога во организацијата да им обезбеди пристап на другите членови на бандата во златарницата преправајќи се дека е инвалид на кој му е потребна помош.

Во една златарница во Атина, Србинот успеал да измами службеник за обезбедување да ги држи вратите на продавницата долго отворени. На овој начин неговите соучесници успеале да влезат, да ограбат и да избегаат, без да биде забележана целата акција – пишува грчкиот Прототема.

Неговата вмешаност беше потврдена со анализа на видео снимките од околните продавници.

– Дополнително, според информациите, неговото пристигнување во Грција се случило со авион само еден ден пред грабежот, а неговото заминување два дена по денот на грабежот, повторно со авион – се наведува.

Да потсетиме дека членовите на горенаведената група ја набавиле потребната опрема и тоа пушки, чекан и маски и заедно решиле да извршат разбојништво во златарница, како и кражба на моторите кои биле користени за време на кражба.

Уапсени се Србин и Грк кои со нив извршиле грабеж.