ОПАСЕН ПРЕДИЗВИК СЕ ШИРИ НА ТИК ТОК – Две тинејџерки хоспитализирани, една почината, по јадење на екстремно лут и скап чипс – внимавајте!
Популарните чипсови „Hot Chip Challenge“ се повлечени од продажба во продавниците во Германија и во САД. Драстичната мерка во Германија беше иницирана кога две тинејџерки (13 г., 14 г.) завршија во болница откако конзумирале чипс и учествувале во предизвикот на социјалната мрежа Тик Ток. Во САД, 14-годишно момче починало откако го изело истиот чипс, пишува списанието Fenix.
Според порталот за потрошувачи на Федералната канцеларија за заштита на потрошувачите и безбедност на храната во Германија, во производот „Hot Chip Challenge“ се пронајдени многу флуктуирачки, а понекогаш и екстремно високи нивоа на капсаицин, супстанца од чили пиперките. Конзумирањето може да доведе до здравствени ефекти како што се иритација на кожата и мукозните мембрани, гадење и повраќање или проблеми со дишењето.
Повлекувањето се однесува на производи со рок на траење до 13. јули 2024 година, 28. јули 2024 година, 8. декември 2024 година, 10. декември 2024 година, 31. декември 2024 година и 5. јануари 2025 година во германските покраини Хесен, Баденберг, Вуртем Баварија, Палатинат-Рајнска област, Северна Рајна-Вестфалија, Долна Саксонија, Бремен, Шлезвиг-Холштајн, Берлин, Саксонија, Саксонија-Анхалт и Тирингија.
На Тик Ток и Инстаграм многу деца и млади учествуваа на тестот за храброст во кој јадеа чипс „Hot Chip Challenge“.
Чипсот се продава во кутија слична на ковчег. Кога ќе го јадете, пишуваат некои германски медиуми, мора да носите гумени ракавици за да се заштитите.
