Освоила 180 милиони долари и горко зажалила: Парите ѝ го уништија животот, сè ѝ пропадна, остана и без мажот
Британката Џилијан Бејфорд го привлече вниманието на светските медиуми во 2012 година, откако на лотарија освои 180 милиони долари.
Нејзината приказна повторно е актуелна, а жената која денес живее во Шкотска признава дека парите и’ го уништиле животот. Во август 2012 година, Џилијан и нејзиниот тогашен сопруг Адријан станаа среќните добитници на лотаријата EuroMillions.
Таа тврдела дека им ги подмирила долговите на членовите на семејството и им дала околу 25 милиони долари. Покрај тоа, таа им купила стан на родителите бидејќи живееле во приколка, пренесува Digi24.ro.
Девет месеци по добивањето на главната награда, таткото и мајката ја „притиснале“ Џилијан да му даде пари на нејзиниот брат, бидејќи сака да започне нов бизнис. Тој наводно добил околу 1 милион долари. Недолго потоа двајцата престанаа да разговараат, а тој не ја покани на својата свадба.
Во меѓувреме, Џилијан престана да разговара со нејзината мајка Бренда МекКалок, а таа во 2016 година рече дека е тажна бидејќи не била во контакт со нејзината ќерка и внуци. Бренда истакнува дека нејзината ќерка била „неверојатно дарежлива“, но дека дала многу помала сума, а не 25 милиони долари.
– Тоа е вознемирувачко и сурово. Парите требаше да ги направат сите среќни. Но, тие станаа пребирливи и алчни – изјави подоцна добитникот на EuroMillions.
За нејзина жал, тоа не беше крајот на нејзините неволји. Петнаесет месеци по освојувањето на лотаријата, Џилијан се разведе. Потоа Адријан Бејфорд изјавил дека животот станал „стресен“ и дека на крајот поминувале многу малку време заедно.
