Советникот на Зеленски: Путин нема да запре додека не ја освои целата територија на Украина

Советникот на украинскиот претседател, Михаило Подољак, бара од сојузниците повеќе оружје за да ја помогнат одбранбената кампања на неговата земја против руската инвазија, со оглед на моменталната состојба на борбите.

„Во оваа фаза од војната, проблемот е што бројот на оружје, беспилотни летала, гранати или артилериска муниција не е рамномерно распределен. Ова треба да се изедначи“, изјави тој за германскиот весник „Билд“.

,,Можно е само едно сценарио, рече тој, а тоа е максимално зајакнување на Украина со високотехнолошки оружја. Не е потребен разговор, туку инвестиции во воено производство, рече тој, наведувајќи ги „ракетите со долг дострел, беспилотни летала, гранати и артилериска муниција. Бројот на оружје треба да биде голем“, додаде тој.

Целата должина на бојното поле е 1.300 километри

Подољак, кој го советува Зеленски, посочи на долг фронт додека неговата земја се обидува да се одбрани од руските напади во неколку правци.

,,Целата должина на бојното поле е 1.300 километри, а борбите се водат од 600 до 800 километри“, рече Подољак.

Тој ја оцени моменталната воена состојба како тешка бидејќи интензитетот на борбите не слабее, без разлика на климатските фактори. Русија, сепак, не постигна значителен напредок за една година, посочи тој.

Човек не оди во голема војна ако сака да се задоволи со мала

Тој рече дека претпоставува дека војната ќе продолжи според плановите на рускиот претседател Владимир Путин „додека не ја освои целата територија на Украина, додека не постигне доминација во Европа, додека не ги освои останатите постсоветски територии“.

Подољак рече дека тоа е затоа што „човекот не оди во голема војна откако ќе си ја уништи репутацијата и врските ако сака да се задоволи со мала. Тоа е глупост“, заклучи Подољак.