Осимен го сруши рекордот на Игуаин

Напаѓачот на Наполи, Виктор Осимен синоќа постигна гол на натпреварот од 23. коло на италијанскиот шампионат против Сасуоло (2:0). Дваесет и четиригодишниот фудбалер постигна гол на седмата средба по ред во Серија А. Тој стана рекордер на клубот за овој индикатор.

Во сезоната 2015/16, напаѓачот Гонзало Игуаин постигна гол за Наполи на шест првенствени натпревари по ред.

Нигериецот во 83. минута од натпреварот седна на теренот поради проблем со десната нога и побара замена. Наместо него во игра влезе Џовани Симеоне.

Осимен оваа сезона постигна 19 голови на 23 натпревари во сите натпреварувања. Придодаде и четири асистенции.