ПАДНАЛ ВО МОРЕ – Американската војска собори кинески шпионски балон што лебдел над САД

Додека летал во близина на брегот на Јужна Каролина, балонот бил соборен од американската војска попладнево, според извори на Фокс њуз.

Висок претставник на одбраната изјавил за време на брифингот во четвртокот попладне дека американската влада е „уверена“ дека набљудувачкиот балон е од Народна Република Кина.

Запрашан денеска од новинарите за балонот, Бајден рече дека ќе се погрижиме за тоа.

Висок американски функционер денеска изјави за Фокс њуз дека владата разгледува план да го соборат балонот додека е над Атлантскиот Океан каде што нема да му наштети на никого на теренот.