ПАНИКА – Првиот човек на Саудиската национална банка предизвика вистински ‘земјотрес’ на финансискиот пазар: “Нашата порака не е променета!“ (видео)

Саудиската национална банка, најголемиот акционер на Credit Suisse, тврди дека превирањата на пазарот во акциите на швајцарскиот заемодавач биле „неоправдани“.

„Ако погледнете како падна целиот банкарски сектор, за жал, многу луѓе бараа само изговори“, изјави претседателот на Саудиска национална банка, Амар Ал Кудаири за CNBC во четвртокот.

„Тоа е само паника“, тврди тој и додава: „И тоа е сосема неоправдано, без разлика дали се работи за Credit Suisse или за целиот пазар“.

Коментарите на Ал Кудаири доаѓаат неколку часа откако Credit Suisse објави дека ќе позајми до 50 милијарди швајцарски франци – околу 53,68 милијарди долари. Акциите на швајцарската банка паднаа во средата по извештајот во кој саудиската банка изрази неподготвеност да обезбеди дополнителна финансиска помош. Така, со овој потег, токму тие ја започнаа лавината од паника.

Ал Кудаири додава дека неодамнешните последици од колапсот на банката во Силиконската долина во САД се разликуваат од финансиската криза во 2008 година, тврдејќи дека чекорите преземени од американските регулатори за заштита на штедачите ги спречиле понатамошните стравови од потенцијален домино ефект.

„Имавме неуспех минатата недела, но тоа не е ни блиску, нема врска со она што го видовме во 2008 година. Ова е само еден изолиран инцидент, регулаторите ја прекинаа секоја можност за прелевање“, убедува тој.

Претседателот на Саудиската национална банка изјави за CNBC дека Credit Suisse не бара финансиска помош.

„Немаше дискусија со Credit Suisse за обезбедување помош“, вели сега Ал Кудаири и додава: „Не знам од каде доаѓа зборот ‘помош’, нема такви дискусии“.

Тој повтори дека банката нема да го преземе својот удел над сегашните 9,9 отсто.

„Пораката не е променета, истото е од октомври“, тврди тој и кажува: „Дури и да сакаме, има премногу компликации од гледна точка на регулатива и усогласеност“.