ПОВЕЌЕ ШТЕТА ОТКОЛКУ ДОБРО – Земањето аспирин секој ден може да го зголеми ризикот од сериозни здравствени проблеми

Ниската дневна доза на аспирин може да помогне да се спречат срцеви и мозочни удари кај луѓе кои се изложени на поголем ризик од нив.

Сепак, новото истражување покажа дека редовното земање аспирин може да го зголеми ризикот од развој на анемија, особено кај луѓето над 65 години.

Земањето апчиња исклучиво од превентивни причини, доколку не сте доживеале срцев удар, може да направи повеќе штета отколку корист, покажува студијата објавена во Annals of Internal Medicine.

„Постојат сè повеќе докази дека само аспиринот за превенција можеби не е толку корисен како што мислевме и може да биде поштетен отколку што мислевме“, рече Параг Гојал, кардиолог од Њујорк кој не беше вклучен во новото истражување.

Сепак, тој нагласи дека новите сознанија се однесуваат само на луѓето кои немаат срцеви заболувања.

„Ако некој имал срцев удар во минатото, аспиринот е навистина важен да продолжи“, рече тој.

Земањето аспирин од превентивни причини е сè попопуларно меѓу луѓето кои не доживеале срцев или мозочен удар. Сепак, потенка крв може да значи и дека сте изложени на ризик од чиреви и крварење во гастроинтестиналниот тракт.