ПОЗНАТ АКТЕР СЕ СОМНЕВАЛ ДЕКА ЖЕНАТА ГО ИЗНЕВЕРУВА СО СОСЕДОТ, А ПОТОА ШОК: Неговите милиони ги трошила на љубовникот, а на суд кукала за пари
Женската интуиција не е наивна работа, а се чини дека и машката не заостанува… Така, сега е откриено дека актерот Кевин Костнер негувал „силни сомнежи“ во врската помеѓу неговата поранешна сопруга Кристин Баумгартнер и Џош Конор. 69-годишниот актер, кој неодамна се појави на 81-то доделување на Златен глобус, се сомневаше дека „нешто се случува меѓу Кристин и Џош “, изјави извор за Us Weekly, додавајќи дека нивната блиска врска била една од оние ситуации каде што се вели да биде „слонот во собата“.
Минатата година во мај Баумгартнер поднесе барање за развод од холивудската ѕвезда по речиси 19 години брак, наведувајќи ги како причина „непомирливите разлики“. Разводот беше финализиран неколку месеци подоцна, во септември, по жестока судска битка.
Оттогаш таа продолжи да се гледа со финансиерот и нивниот поранешен сосед, а првпат беа забележани заедно во јули минатата година за време на патувањето на Хаваи. На крајот на минатата година, медиумите го поврзуваа Костнер со пејачката Џевел, три месеци откако договорија развод.
Изворот исто така коментира за Us Weekly дека, со оглед на тоа што и оскаровецот продолжил понатаму, „Кристин мисли дека Кевин нема за што да се жали“.
“Џош беше карпата на Кристина за време на болниот развод. Ако Кевин има проблем со тоа, тоа е негова одговорност”, рекол изворот, додавајќи дека блиското пријателство на парот станало романтично “релативно неодамна”.
Во средината на нивната постапка за развод во август 2023 година, Костнер тврдеше дека „не знае сигурно“ дали Баумгартнер имал „вонбрачни“ афери, но изјави дека бил верен за време на нивниот брак.
Во правно барање до кое дојде тогаш магазинот People, мајката на три деца побарала дополнителна документација за неговите финансии. Некои од барањата вклучуваат „трошоци платени од вас или кое било лице на ваше барање или во ваше име, а се однесуваат на какви било вонбрачни романтични врски“.
Адвокатскиот тим на ѕвездата во својот одговор изјави дека барањето „поднесено само заради вознемирување, е премногу широко во однос на временскиот период и темата, напорно, угнетувачко и неприфатливо сложено“.
Костнер и неговиот тим, исто така, додадоа дека тој „не знае сигурно дали Кристин имала „вонбрачна романтична врска“ пред разводот и, ако е така, дали потрошила некој од неговите пари или наплаќала какви било трошоци за нејзината афера со негови кредитни картички“.
Неговите адвокати исто така додадоа дека „Кевин нема соодветна документација за „вонбрачните романтични врски“ во кои се впуштил бидејќи не бил во ниту една.
Додека беше на суд во август, Кристин негираше дека има врска со инвеститорот, но призна дека добила заем од 20.000 долари од Конор. Таа објасни дека веќе вратила 10.000 долари, додека другата половина им ја дала на родителите, но рекла дека остатокот ќе му го врати на Џош.
По жестока правна битка , Кевин и Кристин постигнаа договор за развод во септември 2023 година. Поранешниот пар има три деца, Кејден (16), Хејс (14) и Грејс (13), а на Кристин и беше доделена месечна алиментација во износ од 63.000 долари месечно.
Новиот маж на Кристина е 49-годишниот финансиер Џош Конор, кој и самиот е разведен татко на три деца. Парот го помина Божиќ заедно, кога со неговиот приватен авион одлетаа на Хаваи. Извор близок до парот откри дека тие се запознале преку нивните ќерки кои се блиски пријателки и често се дружат.
Конор и неговата поранешна сопруга Патриша (48) се пријатели со Костнери со години, и двајцата живеат во Монтесито, во близина на домот за изнајмување на Баумгартнер.
