Покажуваше двоглав орел а потоа му се нафрли на Ибрахимовиќ! Фудбалерката која го доби името по Косово го навреди Ибра, а тој ѝ возврати во негов стил (Фото)
Легендарниот шведски голгетер Златан Ибрахимовиќ е познат по своето темпераментно однесување и по тоа што никому не останува должен.
Во текот на кариерата се соочуваше со бројни критики и секогаш имаше брутален одговор, но по нападот на Албанката со шведски пасош реши да ја смени тактиката.
Косоваре Аслани, позната шведска репрезентативка чии родители се по потекло од Косово, жестоко го навреди легендарниот голгетер.
Имено, по Светското првенство во Катар, кое предизвика многу полемики на Запад поради кршењето на човековите права во таа земја, Златан на домаќинот му даде чиста десетка за организацијата, што ја налути неговата колешка.
„Нема ни да трошам енергија на тоа бидејќи тоа беше многу неинтелигентна изјава. Да се избере таков одговор за социјален проблем кога имаш позиција да го промениш општеството доволно зборува за таа личност“, рече Аслани.
Кога станува збор за машките колеги, Ибрахимовиќ секогаш имал жесток одговор на ваквото прозивање, но сега јасно разбрал дека Аслани сака да го сврти вниманието кон себе, па решил да ја изненади. Како да сакаше да покаже дека нејзиното мислење е толку (не)важно што тој не сака ниту да го коментира.
Аслани зад себе има исклучително успешна фудбалска кариера. Интересно, поради позицијата на која игра, стилот и балканското потекло, го носи прекарот „Женски Ибрахимовиќ“!
Нејзините родители се Албанци од Косово, а во 80-тите години на минатиот век се преселиле во Шведска. Родена е во Шведска во Кристијанштад, а името го добила по Косово.
Во текот на нејзината кариера, Асани играше за Линкопингс, Чикаго Црвени ѕвезди, Кристијанштадс, ПСЖ, Манчестер Сити, Реал Мадрид и Милан.
Таа го привлече вниманието на јавноста во 2018 година кога прослави гол против Украина со прикажување на двоглав орел. Ова се случи многу брзо по скандалот на Светското првенство во Русија, кога швајцарските репрезентативци Џердан Шаќири и Гранит Џака на ист начин ги провоцираа српските фудбалери.
