Поради филмот ,,Барби” раскинав со моето момче: Штом излеговме од киното направи драма, а ова беше причината да раскинеме (фото)
Универзално популарниот филм „Барби“ го освои светот и во последните недели е главна тема на социјалните мрежи. Додека милиони луѓе се собираат да гледаат филм за нивната омилена кукла, тие ги споделуваат своите искуства и мислења за тоа. Многумина ги истакнаа феминистичките вредности што ги носи филмот, како и дека испраќа силна порака за зајакнување на жените. Меѓутоа, една жена го подигнала своето чувство за моќ на екстремно ниво и раскинала со своето момче откако го гледале овој популарен филм.
– Пред три дена со моето момче отидовме да го гледаме „Барби“. Бев многу возбудена затоа што сум огромен фан на Грета Гервиг и моето момче го сака Рајан Гослинг, но тој не знаеше ништо повеќе од тоа. Од друга страна, бев свесна за феминистичката тема на филмот и потајно се надевав дека моето момче ќе ја добие пораката. За време на филмот забележав дека тој е сè повеќе вознемирен a јас бев многу тажна, и поради филмот и поради неговата реакција на него, и знаев дека после тоа ќе мораме да разговараме – ја започна својата исповед оваа девојка на Reddit.
Тој молчеше додека не ја напуштија кино салата, а потоа и ги сподели своите впечатоци.
-Кога излеговме надвор ми кажа дека филмот навистина го навредил и дека требало да го гледам со пријателите, а не со него. Разбрав од каде доаѓа таа емоција, но не се ни обидов да му објаснам зошто не се согласувам со тоа. Имаше и чудни коментари поврзани со жените, ЛГБТК заедницата и други работи – вели оваа девојка.
Додала дека и’ здосадило неговото непочитување и поради тоа ја прекинала врската.
– Уморна сум од тоа што секогаш морам да се справувам со неговиот став и непочитување, а можеби и бев претерано емотивна па му реков ,,ГОТОВО” – рекла девојката во својата исповед.
Набргу потоа раскажала дека излегла од заедничкиот стан и дека не знаела каде се наоѓа.
– Најлошото е што сè уште ја следи неговата локација и таа покажува дека е далеку, во друга земја. Не знам како стигнал таму и не ми се верува дека сето ова е поради проклетиот филм за Барби – заклучила оваа девојка.
Корисниците на Reddit брзо се вклучија и го поддржаа авторот.
– Сè е негов избор и не е поради филмот, туку поради тоа како одбрал да се однесува со тебе, гласеше еден коментар.
-Јас лично мислам дека никогаш не треба да се оправдувате кога станува збор за вакви теми. Едноставно имавте причина и тоа е тоа.
-Интересно е што не можеше да поднесе филм со тема за зајакнување на жените и покрај тоа што моментално се потпира на поддршката од една таква жена – гласат само дел од коментарите.
