ПОРАДИ ШТО НОВАК ЃОКОВИЌ ГО ЗАТВОРИ КЛУБОТ? Три причини беа клучни

Веста беше големо изненадување.

Одлуката на Новак Ѓоковиќ да го затвори тенискиот клуб „Новак“ и да го врати тенискиот центар на Белград ги изненади сите, а шпекулациите продолжуваат зошто тоа се случило. Она што е познато е дека вработените во ТЦ „Новак“ пред неколку дена добиле известување дека клубот престанува со работа и дека им престанува и работниот однос.

На крајот, три работи доведоа до таква одлука. Како прво, Новак не беше задоволен од работата на клубот бидејќи многу работи не функционираа како што треба, а одредени луѓе не си ја сфатија сериозно работата. Центарот не беше на потребното ниво, а бидејќи Новак не можеше целосно да му се посвети, идејата за затворање на клубот тлееше долго време. Втората причина постои речиси од отворањето на центарот и се однесува на евентуалното проширување на теренот, капацитетот, содржината, бидејќи се беше многу тешко, а понекогаш и речиси невозможно да се добијат дозволи за сите планови, така што и тоа имаше своја улога во целата приказна.

Работите кои се кажаа во јавноста за семејството Ѓоковиќ, како и критиките за проширувањето на центот на Калемегдан, имаа влијание врз целата приказна. Иако одлуката за затворање беше изненадување за јавноста, блиските на Ѓоковиќ знаеја се. Колку е изненадување одлуката за затворање на тенискиот центар најдобро говори одлуката на Тенискиот сојуз на Србија, кој пред неколку дена соопшти дека дел од турнирите од програмата „Новиот век на српскиот тенис“ ќе се играат на терените на ТЦ „Новак“