Еуфорија во Москва поради „уништувањето“ на Патриот, чудење во Америка: Зарем навистина така мислите?
Руското Министерство за одбрана се пофали дека уништило американски противракетен систем.
Руското Министерство за одбрана се пофали дека со својата „неуништлива“ хиперсонична ракета Кинжал (Кама) го уништила, гаѓајќи го Киев, американскиот противракетен систем „Патриот“, кој Американците неодамна го „донираа“ на Украина.
Во руските режимски медиуми преовладуваше еуфорија поради „уништувањето“ на Патриот, но Украинците, а потоа и Си-Ен-Ен, кој се повикува на свои извори во американската администрација, тврдат дека системот Патриот бил само „оштетен“, односно дека не бил уништен и не бил „исфрлен од стројот“, па наскоро би можел да се санира и повторно да биде во функција.
И додека во Москва тврдат дека дури и „американски патриоти“ не можат ефикасно да ги заштитат украинските градови од „руските ракети“, познатиот прорежимски руски воен блогер Јуриј Подољак вели дека „митот за сигурност и ефикасност на западното оружје “ испратени во Украина е уништен, во Киев, украинската противвоздушна одбрана се пофали дека ги уништила сите 18 ракети и беспилотни летала што беа „испратени“ во Киев ноќта на 16 мај, вклучително и дури шест Кинжали, иако рускиот министер за одбрана Сергеј Шојгу рече дека „толку ракети не се ни испукани“.
Но, и покрај руските тврдења дека нема „противотров“ за Кинжал, „Патриотите“ сепак се покажаа како ефикасна противракетна одбрана.
Од Пентагон потврдија и дека „Патриотите“ ги собориле ракетите „Кинжал“ над Киев, а во Москва тоа веднаш го нарекоа „чиста желба“ и „луда радост“.
А украинското Министерство за одбрана објави дека комплексот Патриот не може да се уништи „со еден удар“.
Џон Кирби , портпаролот на Советот за национална безбедност на САД, сепак рече дека не може да ја потврди информацијата за „оштетување на системот Патриот“, но како што јави Гласот на Америка, тој на истиот брифинг рече дека „доколку тоа е точно и ако се бара ремонт надвор од границите на Украина, САД сигурно ќе помогнат“.
Во меѓувреме, киевската Европска правда наведува дека системот може да се поправи и во Украина, а Русите сега знаат дека Украина има противвоздушна одбрана која може да се спротивстави и на најмодерните руски ракети.
