Почина еден од “најголемите” југословенски фудбалери, на дебито за репрезентацијата им даде гол на Англичаните на Вембли

Владиќ беше дел од познатото трио БМВ од Мостар, во кое беа Душан Бајевиќ и Енвер Мариќ.

Фрањо Владиќ, еден од најдобрите југословенски фудбалери на сите времиња и поранешен југословенски репрезентативец, почина на 74-годишна возраст.

Тој порасна во клубот од Мостар, каде играше и за младинскиот тим, како и за сениорскиот тим, каде што се прослави во светот на фудбалот. Тој своевремено настапуваше и за АЕК од Атина, пред да се врати во Вележ.

Како што пишува Klix.ba, Владиќ одигра повеќе од 700 натпревари и постигна 300 голови. Многумина го паметат како одличен фудбалер. Беше интелигентен, префинет техничар, мајстор за долги додавања и дриблинг.

Владиќ беше дел од познатото мостарско БМВ кое го сочинуваа Душан Бајевиќ и Енвер Мариќ.

Бил и репрезентативец на Југославија. 18 пати бил младински репрезентативец, 12 пати бил олимписки, а 24 патииграл за А репрезентацијата. За Југославија постигна три гола.

За селекцијата на поранешната земја дебитираше во 1972 година во Лондон против Англија, каде беше стрелец во ремито против Англичаните – 1:1.

Последниот натпревар за Југославија го одигра во 1977 година во Леон против Мексико.

Времето и местото на погребот ќе бидат објавени подоцна, пишува Klix.ba.