Појадок за слабеење: Овие оброци ви помагаат побрзо да ги изгубите килограмите

Едноставен појадок за слабеење ви овозможува да останете сити подолго време и ви помага побрзо да дојдете до посакуваната фигура.

Омлетот е одличен начин да го обезбедите вашето тело со протеините што му се потребни наутро. Овој оброк е идеален за градење и обновување на мускулите. Сепак, едноставен омлет брзо станува досаден и веројатно брзо ќе огладнете.

Затоа ви откриваме кои намирници да ги вклучите за побрзо да ги изгубите килограмите, а во исто време да останете сити. Сите тие се специјално избрани за да помогнат во одржување на оптимална тежина, што значи дека вашиот појадок треба да содржи не само протеини, туку и влакна. Здравите масти и антиоксидансите исто така ќе помогнат да се одржи оптималната рамнотежа.

Не заборавајте дека на калориската содржина на појадокот влијаат не само состојките и начинот на подготовка, туку и големината на порцијата.

За вас подготвивме три вкусни и здрави рецепти.

Појадок за слабеење: Овие оброци ви помагаат да изгубите тежина побрзо

За да го направите самиот омлет потребно е во посебен сад со вилушка да изматете јајца, малку млеко и зачини, а потоа смесата да ја истурите во загреана тава. Внимавајте со количината на масло или исфрлете го целосно.

Медитерански појадок за слабеење: Омлет со спанаќ и маслинки

Зеленчукот е исклучително добар за слабеење поради високата содржина на влакна, кои го подобруваат варењето. Покрај тоа, тој е богат со вода и не содржи многу калории. Ако се обидувате да го зголемите внесот на зеленчук и билки, омлетот во медитерански стил е еден од начините. Содржи протеини, влакна, антиоксиданси, здрави масти и е целосно без маснотии. Исто така, влакната и мастите ќе ве држат сити подолго време. Ако сакате уште поголем внес на протеини , можете да додадете сирење со малку маснотии во овој омлет.

Мексикански појадок: Омлет со лути пиперки

Зачинетата храна докажано го забрзува метаболизмот и го намалува чувството на глад, што значи дека ваквиот појадок е идеален за слабеење. Лутите пиперки ќе ви помогнат да додадете малку зачин во вашиот вообичаен појадок, па веројатно нема да треба да користите сол и бибер или масло. Познато е дека високиот внес на сол ја задржува водата во телото, па на овој начин би можеле да ја намалите. Во омлетот можете да додадете и свежи домати, кромид и магдонос. Ако сакате да ве држи сити подолго време, вклучете варени гравчиња или пченка.

Зачинет омлет со карамелизиран кромид

Карамелизираниот кромид е прилично необична состојка за омлет, но ви овозможува да постигнете силен и незаборавен вкус без додавање состојки како сирење или колбас. Ова значи намалување на внесот на транс масти и калории. Освен протеини, кромидот содржи и влакна и антиоксиданси, па слободно додадете ги во омлетот. По желба можете да послужите и малку фета и неограничено количество свеж или пржен зеленчук.