Први симптоми на рак на црниот дроб кои не смееме да ги игнорираме
Ракот на црниот дроб се јавува кога клетките неконтролирано растат во кој било дел од органот лоциран во горниот десен дел од нашиот стомак.
Потенцијално фаталната состојба е многу потешка за лекување доколку се открие доцна, па затоа е многу важно да се постапи по предупредувачките знаци веднаш штом ќе се појават.
Загрижувачки е тоа што повеќето луѓе не чувствуваат речиси никакви симптоми во раните фази на рак на црниот дроб, но поради тоа, докторот Ајман Салех навел некои од првите знаци кои можат да се појават кај личност која има ваков вид на рак.
Како што објаснува, знаците на рак на црниот дроб може да вклучуваат:
- необјаснето губење на тежината
- губење на апетит
- болка или непријатност во абдоменот, особено во горниот десен дел
- оток или зголемување на абдоменот
- жолтица
- замор
- слабост
- гадење и повраќање
- бледа столица
- темна боја на урината
Во повеќето случаи, симптомите стануваат поочигледни како што расте канцерогениот тумор, се нарушува функцијата на црниот дроб или нашите жолчни канали се блокираат.
Како што објаснува д-р Салех, ракот на црниот дроб може да го наруши нормалното функционирање на црниот дроб, што влијае на неговата способност да ги обработува хранливите материи и да ги отстранува токсините.
