Пред две години имала само 53 евра на сметката, а денес не знае што да прави со парите: Одигра само 10 натпревари во сезоната, а заработи неверојатни14.000.000!
Откако сензационално победи на УС Опен во 2021 година нејзиниот живот целосно се промени!
Младата британска тенисерка Ема Радукану ја шокираше светската тениска јавност кога успеа да го освои трофејот на УС Опен.
Таа дојде во Њујорк како 150 на ВТА листата, ги помина квалификациите и потоа го освои својот прв Грен Слем во кариерата без загубен сет.
Пред почетокот на УС Опен, оваа симпатична тинејџерка имала само 53 евра на сметката. Само неколку месеци подоцна нејзиното богатство изнесуваше околу 15 милиони европски банкноти.
Таа од Њујорк се врати со титула и парична награда од два милиони евра, а нејзиниот неверојатен успех веднаш ја издигна до небото. Следеа богати спонзорски договори како на лента, таа стана заштитно лице на Nike, Dior, Tiffany, Evian, Wilson, Porsche, Vodafone и British Airways.
Интересно, Ема Радукану ја основа компанијата „Harbor 6 Limited“ во 2020 година. а врз основа на финансискиот извештај е утврдено дека на сметката имала 55.682 фунти и долг кон доверителите од 54.883 фунти. Уште 730 фунти биле одбиени како „резерва за бонуси“, па по сите уплати таа била во плус само 44 фунти вишок, што е околу 53 евра.
„Извештаите покажуваат колку беше вртоглав нејзиниот подем. Од едвај заработување, до освојување на 1,8 милиони фунти на УС Опен, а потоа потпишување договори со големи компании“, напиша Daily Mail пред две години.
Ема Радукану нема значајни резултати уште од УС Опен, а многу критичари сметаат дека причината е тоа што е презафатена со работи кои немаат врска со тенисот, туку токму тие „работи“ сè уште и носат незамисливо богатство.
Оваа сезона имаше сериозни проблеми со повредите и одигра само 10 натпревари, но тоа не се одрази на нејзината заработка која продолжи да расте и покрај лошите резултати. Верувале или не, таа моментално го зазема разорното 299. место на ВТА-листата годинава и заработи околу 14.000.000 евра благодарение на богатите спонзорски договори и го зазема четвртото место на листата на највисоки платени спортистки во 2023 година! Интересно, нејзината заработка од учеството на турнирите оваа сезона изнесува само 238.000 долари, што е околу 218.000 евра.
