Премиерот на Јапонија Фумио Кишида ‘пресече’: “Нема да влеземе во НАТО!“
Премиерот на Јапонија, Фумио Кишида во средата изјави дека неговата земја не планира да стане членка на НАТО, но додаде дека е свесен дека има планови за отворање канцеларија за врски во Јапонија.
Фумио Кишида ги даде коментарите откако јапонскиот амбасадор во Соединетите Американски Држави претходно овој месец објави дека воениот пакт предводен од САД планира да отвори канцеларија во Токио, прва во Азија, за да ги олесни консултациите во регионот.
Портпаролот на Министерството за надворешни работи на Кина, Мао Нинг кажа дека азиско-пацифичкиот регион „не го поздравува“ потегот на Јапонија за отворање на канцеларијата, велејќи дека Токио треба да биде „крајно претпазлив во врска со воената безбедност“ со оглед на неговата „историја на агресија“.
Фумио Кишида прави аранжмани да присуствува на самитот на НАТО, планиран да се одржи во Литванија во јули, објави медиумската агенција Kyodo подоцна во средата, цитирајќи јапонски владини претставници.
