ПУКНАТИНА ОД 3 СМ- Откриени неверојатни детали за повредата на Ѓоковиќ, директорот на Австралија опен изненаден

Директорот на Австралија опен, Крег Тајли, потврди дека Новак Ѓоковиќ имал огромни проблеми со повреда на тетивата, но со натчовечки напори успеал да се избори и на крајот дури и да го освои турнирот во Мелбурн.

Ѓоковиќ имаше проблеми со задната ложа, а тимот на српскиот ас работеше на решавање на овој огромен проблем. Биле контактирани различни експерти, а во еден момент дошле до името на Маријана, која ги напуштила обврските и веднаш се упатила кон Мелбурн, што особено го импресионирало Новак.

Веднаш штом пристигнала веднаш започнала со лекувањето, а резултатот веќе бил видлив по неколку третмани.

“Многу предизвици се околу Новак бидејќи тој добива лоша репутација. Но, на крајот на денот, мислам дека никој не може да го доведе во прашање неговата атлетска способност. Тој имаше кинење од три сантиметри во задната ложа. Апсолутно, јас ја видов снимката, докторите ќе ја кажат вистината. Имаше многу шпекулации за тоа дали е вистина или не, тешко е да се поверува дека некој би можел да направи такво нешто со вакви повреди. Тој е неверојатен, се справи со тоа исклучително професионално “, рече Тајли, додавајќи:

„Тој е толку фокусиран на она што го прави, секоја минута од секој ден. Што јаде, што пие, што прави и како го прави тоа. Тој помина низ многу за да освои десет Австралија Опен и мислам дека тоа никогаш нема да се повтори. Во последните 15 години, а тој ми вели дека се 14 години затоа што ја пропуштил последната, тоа е извонредно достигнување“, рече директорот на Австралија опен.

Да потсетиме, Ѓоковиќ со победата на Австралија опен се врати на првото место на АТП листата и се израмни по бројот на грен слем титули со Рафаел Надал (22).